Кемдерди? Каандыктыҥ Туразына баштапкы да катап келген улусты эмезе бистиҥ туштажуларга келип турганы удап та калган улусты (Рм 15:7; Евр 13:2). Келген ака эмезе эје ӧскӧ ороонноҥ болордоҥ айабас. Ол эмезе, узак јылдарга јуунныҥ туштажуларына јӱрбей, јарлабай турган јарчы келердеҥ айабас. Бойыҥды андый улустыҥ ордына тургузып, сананып кӧр. Сени јылу уткыган болзо, кандый јакшы болор эди! (Мф 7:12). Каандыктыҥ Туразына келген улуска јууктап, ајару эдип, уткып болорыҥ ба? Мынайып этсес јуунда сӱӱш болор, улус бой-бойына нак болор, анайда ок Иегова макталар (Мф 5:16). Келген улустыҥ ончозына ајару эдип болбозыҥ. Је кажыбыс ла мынайып албаданып турзас, кем де ајару јок артпас *.

Бис јаҥыс ла Кайраканныҥ Эҥиринде ле ӧскӧ кандый бир аҥылу учуралдарда эмес, је јаантайын кӱӱндӱзек болорго кӱӱнзейдис. Анайып, Каандыктыҥ Туразына баштапкы да катап келген улус ортогыста сӱӱшти кӧрӱп, Кудайды мактаарга ла Оныҥ албатызыныҥ тоозына кожуларга кӱӱнзеер болор (Ин 13:35).