Бу јылдаҥ ала бисте Иисус Христостыҥ ӧлӱмин эске алар Эҥирге белетенерге ӧй кӧп болор. Кайраканныҥ Эҥири иштеер кӱнге келишсе, бу неделеде «Јӱрӱмис ле ижибис» деген туштажу ӧткӱрилбес. Кайраканныҥ Эҥири амыраар кӱнге келишсе, улус алдына айдатан куучын-эрмек ле «Каруулчы шибеени» ӱренетени болбос. Јайымдалган ӧйди канайып эҥ артык эдип тузаланар? Бу аҥылу учурал јарамыкту ӧтсин деп, баштапкы чакта чылап јакшы белетенер керек (Лк 22:7—13; km 3/15 1). Анайда ок биске ончобыска бойыстыҥ јӱректеристи белетеер керек. Мыны канайып эдер?

• Бу учуралга келери канча киреге јаан учурлу деп санан (1Кр 11:23—26).

• Иеговала колбуларыҥ керегинде шӱӱп сананып, бу јанынаҥ мӱргӱ (1Кр 11:27—29; 2Кр 13:5).

• Кайраканныҥ Эҥириниҥ учурын јартап турган библиялык материалдарды шиҥдеп, тереҥ шӱӱп санан (Ин 3:16; 15:13).

Кезик улус Агару Бичикти «Исследуем Писания каждый день» деген брошюрада берилген график аайынча кычырат. Ӧскӧ улус бу ла ээчий бӱктерде берилген графикле тузаланат. А кем де Кайраканныҥ Эҥири керегинде ле Иегова ла Иисус биске кандый сӱӱжин кӧргӱскени керегинде «Каруулчы шибеедеги» јӧрмӧлдӧрди катап кычыргылайт. Эп-аргалар кандый ла болор аргалу. Эҥ учурлузы — шиҥдегениҥ сени Иеговага ла оныҥ Уулына анаҥ тыҥ јууктатсын.