Иаков ангелле сӱреен баалу неме учун тартышкан. Ол Иегованыҥ алкыжын аларга кӱӱнзеген (Бш 32:24—31; Ос 12:3, 4). А бисте мындый кӱӱн бар ба? Бис Иегованыҥ сӧзин угарга ла оныҥ алкыжын аларга, бастыра кӱчибисти берерге белен бе? Темдектезе, слерге акча иштеп аларга иштиҥ кийнинде артып калар эмезе христиан јуунга барар деп талдаарга келишкен болзын. Слер нени талдараар? Иеговага эҥ артыгын — ӧйисти, ийде-кӱчисти эмезе акча-манадысты — берип турзаас, ол биске кӧп алкыштар берет (Мл 3:10). Бистиҥ Кудайыс јаантайын бисле кожо, ол бисти корулап јат, анайда ок биске ончо керектӱ немени берип јат (Мф 6:33; Евр 13:5).

«КӦГӰС АМАДУЛАРЫГАРДЫ УНДЫБАЙ ЈӰРӰГЕР» ДЕГЕН ВИДЕОНЫ КӦРӰП, ТӦМӦНГИ СУРАКТАРГА КАРУУ БЕР:

• Сыйынга сӱӱген ижи канайып ченелте болуп калды?

• Иш биске канайып тузак болуп калардаҥ айабас?

• Кӧгӱзи тереҥ христианга, Тимофейге, кӧгӱс јаҥы амадуларды оноҥ ло ары нениҥ учун тургузар керек болгон? (1Тм 4:16).

• Иеговага иштеери — јӱрӱмисте эҥ јаан учурлу иш деп, кандый керектер кӧргӱзет?