Христиан ада-энелер балдарын Иеговага чындык иштеп јӱрзин деп, тыҥ кӱӱнзегилейт. Мыны эдерге олорго эрке балдарына Агару Бичиктиҥ чындыгын сӱӱрге болужып берер керек (Јҥ.т 6:7; Ук 22:6). Бу јеҥил бе? Бир де јеҥил эмес. Је учы-тӱби јакшы болзын деп, канайып ла албаданганы јолду (3Ин 4).

Ада-энелер Иосиф ле Мариядаҥ кӧп немелерге ӱренип алар аргалу. Олорго кӧп ийде-кӱчин берип, ас эмес чыгым эдерге келишкен де болзо, олор «јылдыҥ сайын Иерусалимге Пасха байрамга барып туратан» (Лк 2:41). Бу билеге Иеговала најылыкты ӧскӱрери — эҥ ле учурлу болгоны иле јарт. Бӱгӱн де мынайып ла ок ада-энелер балдарын сӧзиле, темиле ӱредерге, олорды керектӱ јанындӧӧн ууландырып, кандый ла эп-аргала тузаланар аргалу (Ср 127:3—5).

«ОЛОР КАНДЫЙ ЛА АРГАЛА ТУЗАЛАНГАНДАР» ДЕГЕН КӦРӰЛМЕНИ КӦРГӰЗИП, АЛДЫНДАГЫ СУРАКТАРГА КАРУУ БЕР:

• Шиллер билеге Иеговага иштеери эҥ ле учурлу болгоны недеҥ кӧрӱнет?

• Нениҥ учун ада-энелерге кажы ла балага башка арга табар керек?

• Ада-энелер балдарыныҥ бӱдӱмјизи ченелерине канайып олорды белетеп салар аргалу?

• Бистиҥ организация берген кандый јепселдер балдараардыҥ Иеговага сӱӱжин ӧскӱрерге слерге болужат?