Иисус биске тем болуп јат, анчада ла, уур-кӱчтерди ӧдӧринде ле истежӱлерди чыдажарында (1Пт 2:21—23). Оны айткылап турарда, ол качан да, керек дезе ого сӱреен кӱч те болуп турарда, удура айткылабаган (Мк 15:29—32). Иисуска турумкай артарга не болушкан? Ол Иегованыҥ табын бӱдӱрерге бек шӱӱп алган болгон (Ин 6:38). Анайдала ок ол јаантайын ајарузын «темдектелген сӱӱнчиге» эдип туратан (Евр 12:2).

Бисти бӱткенис учун истежип турза, бис канайып тудунадыс? Чын христиандар јаман учун јаманды этпейдилер (Рм 12:14, 17). Уур-кӱчтерге табартып, Иисуска тӱҥейлешсебис, сӱӱнчи аларыс, нениҥ учун дезе мынызы Кудайга јарап јат (Мф 5:10—12; 1Пт 4:12—14).

«ИЕГОВАНЫҤ АДЫ ЭҤ УЧУРЛУ» ДЕГЕН КӦРӰЛМЕНИ КӦРӰП, АЛДЫНДАГЫ СУРАКТАРГА КАРУУ БЕР:

• Пётцингер эјеге тӱрмеде јаҥыскан отурарга не болушкан?

• Пётцингер ака ла эје концентрационный лагерьлерде неге табарткан?

• Олорго ончоны ӧдӧргӧ не болушкан?