БУ НЕНИҤ УЧУН КЕРЕКТӰ Агару Бичикти таҥынаҥ ӱренип, бис чындыктыҥ «элбегин ле узунын, бийигин ле тереҥин» оҥдоп аладыс (Еф 3:18). Анайда ок мынайып ӱренери, биске бу калју телекейде јек јок ло ару артып, «јӱрӱм берип турган сӧстӧҥ» бек тудунарга болужат (Фп 2:14). Таҥынаҥ ӱренер ӧйдӧ бис бойыстыҥ керексиништериске келижип турган материалды шиҥдеер аргалу. Кудайдыҥ Сӧзин кычырар ла шиҥдеер ӧйди канайып эҥ артык эдип тузаланар?

МЫНЫ КАНАЙЫП ЭДЕР

• Бойыҥныҥ шиҥжӱ ӧткӱретен Агару Бичигиҥде (электронный бӱдӱминде) ӱлгерлерди темдектеп, кожулта шӱӱлтелер бичип тур.

• Агару Бичикти кычырар тушта, бойыҥа мындый сурактар бер: кем? не? качан? кайда? нениҥ учун? канайып?

• Бар јепселдериҥле тузаланып, библиялык ӱлгер эмезе тема аайынча шиҥжӱ ӧткӱр.

• Кычырганыҥды јӱрӱмиҥде канайып тузаланарга јараар деп шӱӱп санан.

• Билип алганыҥды тузалан (Лк 6:47, 48).

«ТАҤЫНАҤ ТЕРЕҤ ӰРЕНЕРИ КУДАЙДЫҤ СӦЗИНЕҤ БЕК ТУДУНАРГА БОЛУЖАТ» ДЕГЕН КӦРӰЛМЕНИ КӦРӰП ИЙЕЛЕ, БУ СУРАКТАРГА КАРУУ БЕРИГЕР:

• Таҥынаҥ ӱренери керегинде ака-эјелер нени айдат?

• Нениҥ учун кажы ла таҥынаҥ ӱренерин мӱргӱӱлдеҥ баштаар керек?

• Библиялык ӱзӱкти тереҥ оҥдоп аларга не болужар?

• Шиҥжӱ ӧткӱретен Агару Бичигисте кандый темдектер эдерге јараар?

• Кычырганысты нениҥ учун шӱӱп сананар керек?

• Билип алганысты канайып тузаланарга јараар?