Бастыра телекейдиҥ јуундарында Иеговага канча јылдарга чындык иштеген ака-эјелер бар. Олордоҥ бис кӧпкӧ ӱренер аргалу. Иеговага бӱткӱлинче канайып иженерин олор чыннаҥ ла билер. Анайда ок олор организацияныҥ алдындагы ижи керегинде ле Иегова кӱчтерди ӧдӧргӧ канайып болушканы керегинде куучындап берер аргалу. Андый чындык јарчылардыҥ бирӱзин билелик бажырышка кычырып, бойыныҥ јаан ченемелиле ӱлежип ийзин деп, не сурабас?

Сен Иеговага кӧп јылдарга иштеген болзоҥ, Кудай сениҥ бӱдӱмјиҥди канайып тыҥытканы керегинде јииттерге куучындап тур. Иаков ло Иосиф бойыныҥ ченемелиле бала-барказыла ӱлешкен (Бш 48:21, 22; 50:24, 25). Кийнинде Иегова, билениҥ бажы Кудайдыҥ улу керектери керегинде бала-барказына куучындап турзын деп јасак берген (Јҥ.т 4:9, 10; Ср 78:4—7). Бӱгӱнги кӱнде, ада-энелер ле ӧскӧ дӧ христиандар бойыныҥ кӧзиле кӧргӧн Иегованыҥ организациязында кайкамчылу једимдерин јашӧскӱримге куучындаар аргалу.

«ТОКТОДУНЫҤ ӦЙИНДЕ БИРЛИК АРТАДЫС» ДЕГЕН ВИДЕОНЫ КӦРӰП ИЙЕЛЕ, БУ СУРАКТАРГА КАРУУ БЕР:

• Австриядагы филиал јарлаар ижис токтодылып калган ороондордо јарчыларга канайып болушкан?

• Бу ороондордо ака-эјелер бӱдӱмјизин канайып кичееген?

• Нениҥ учун Румынияда 5 000 кире јарчы Иегованыҥ организациязынаҥ јӱре берген? Кийнинде олор канайып кайра келген?

• Бу видео сениҥ бӱткениҥди канайып тыҥытты?