Јайаандар Иегова Кудайды мактайт (Ср 19:1—4; 139:14). Је Сатананыҥ телекейи јӱрӱмниҥ табылганы керегинде теорияларды, Јайаачыны мактабай турган ӱредӱлерди, таркадат (Рм 1:18—25). Мындый ӱредӱлердеҥ балдарыгардыҥ сагыжын ла јӱрегин канайып корулаараар? Иегова Кудай чын ла бар, Ол олорды кичееп турган деп, канча ла кире эрте ӱредигер (2Кр 10:4, 5; Еф 6:16). Балагар школдо ӱредип турганына бӱдӱп турган ба деп билип аларга албаданыгар. Баланыҥ јӱрегин томултарга, башка-башка эп-аргалар тузаланыгар (Ука 20:5; Иак 1:19).

«СЕНЛЕ ЈАЖЫТ БАЛДАР НЕНИ АЙДЫЖАТ. КУДАЙГА БӰДЕРИ» ДЕГЕН КӦРӰЛМЕНИ БАЛАГАРЛА КОЖО КӦРӰП, ТӦМӦНГИ СУРАКТАРДЫ ШӰӰЖИГЕР:

• Кудайга бӱдери јанынаҥ тӧгӱн кандый ӱредӱ таркадылып калган?

• Школдо ӱредӱчилер неге ӱредет?

• Иегова чын ла бар деп, нениҥ учун бӱдӱп јадыҥ?

• Сен кемге-кемге, бастыра немени Кудай јайаган деп бӱдерге, канайып болужар эдиҥ?