Ижемјини якорьло тӱҥдештирерге јараар (Евр 6:19). Талайда јоткон болзо, кереп якорьдыҥ болужыла аҥтарылбай јат. Анайып ижемји кӱч ӧйлӧрдӧ ич-кӧгӱс јанынаҥ бек артарга болужат (1Тм 1:18, 19). Темдектезе јӱрӱмниҥ мындый јоткондоры — једимдерге једип болбогоны, јӧӧжӧни јылыйтканы, јазылбас оорула ооруганы, јуук кижиниҥ божогоны эмезе оноҥ до ӧскӧ кӱчтер Кудайга бӱдӱп турганысты ченейт.

Кудайга иженип ле бӱдӱп турганыс, Оныҥ берер кайралын јарт кӧрӧргӧ болужат (2Кр 4:16—18; Евр 11:13, 26, 27). Оныҥ учун ижемјибисти, теҥери де баратан болзос, јерде де јадатан болзос, Кудайдыҥ Сӧзиндеги бичилгенин јаантайын сананып, тыҥыдар керек. Анайып, ченелтелердиҥ ӧйинде сӱӱнчибисти јылыйтпаска јеҥил болор (1Пт 1:6, 7).

«ИЖЕМЈИ БАРЫНА СӰӰНИГЕР» ДЕГЕН КӦРӰЛМЕНИ КӦРӰП, ТӦМӦНГИ СУРАКТАРГА КАРУУ БЕРИГЕР:

• Моисейдиҥ теминеҥ бис неге ӱренерис?

• Билениҥ бажы болуп турган улуста кандый молју бар?

• Билелик бажырышта кандый темаларды шӱӱжерге јараар?

• Ченелтелердиҥ ӧйинде Кудайга тыҥ бӱдерге, ижемји канайып болужар?

• Слер нени тыҥ сакып јадыгар?