Иисус јерде јарлап јӱрерде «Ада-энеҥди тооп јӱр» деген јакылтаны бӱдӱрери јаан учурлу деп кӧргӱскен (Чг 20:12; Мф 15:4). Иисуста мынайып ӱредер јаҥ болгон, нениҥ учун дезе ол бойы јаштаҥ ала ада-энезиниҥ сӧзин угуп јӱрген (Лк 2:51). Божоор алдында ол ӱренчиктериниҥ бирӱзин бойыныҥ энезин, Марияны, кичееп јӱрзин деп сураган (Ин 19:26, 27).

Эмдиги ӧйдӧ јиит христиандар ада-энезиниҥ сӧзин угуп, тоомјылу куучындажып, олорды тооп турганын кӧргӱзер аргалу. Је ада-энезин тооп јӱр деген јакылта јӱк ле јииттерге айдылбаган. Ада-энелерис јажап та калган болзо, биске олордыҥ јӧбин тӱҥей ле ајаруга алып турар керек (Ука 23:22). Анайда ок, јажап калган ада-энезине керектӱ тушта акча-манатла јӧмӧжип, олордыҥ эмоциялык керексиништерин кичееп кӧрӱп турар керек (1Тм 5:8). Бис канча да јашту болзоос, бойыстыҥ ада-энелеристи тооп, јаантайын олорло куучындажып турар керек.

«АДА-ЭНЕЛЕРЛЕ КАНАЙЫП КУУЧЫНДАЖАР?» ДЕГЕН ФЛОМАСТЕРНЫЙ АНИМАЦИЯНЫ КӦРӰП, БУ СУРАКТАРГА КАРУУ БЕР:

• Ада-энелерле куучындажарга нениҥ учун кезикте јеҥил эмес болот?

• Ада-энелерле канайып тоомјылу куучындажар?

• Сеге ада-энеҥле куучындажарга јеҥил эмес те болуп турза, нениҥ учун колыҥды бош салбас керек? (Ука 15:22).