БУ НЕНИҤ УЧУН КЕРЕКТӰ «Кижиниҥ јӱрегиндеги санаалары — тереҥ суулар», сурактар дезе олорды «сузуп чыгарарга» болужат (Ука 20:5). Сурактар кижиле куучындажарга болужат. Сананып айткан сурактар кижиниҥ санаазын ла оныҥ јӱрегинде не барын оҥдоорго болужат. Иисус сурактарла тузаланар ус болгон. Бис оноҥ неге ӱринип алар аргалу?

МЫНЫ КАНАЙЫП ЭДЕР

• Кижиниҥ кӧрӱми аайынча сурактар бер. Иисус ӱренчиктериниҥ кӱӱн-санаазын билип аларга, бир канча сурактар берген (Мф 16:13—16; «Сурактарла эпчил тузаланар» деген темигӱни кӧр). Сен јарлаар иште кижиниҥ кӧрӱми аайынча кандый сурактарла тузаланар эдиҥ?

• Баштандырар сурактар бер. Петр чын шӱӱлтеге келзин деп, Иисус ого каруузын талдап алатан сурактар берген (Мф 17:24—26). Сен јарлаар иште кижини чын шӱӱлтеге келзин деп, кандый баштандырар сурактарла тузаланар эдиҥ?

• Кижини макта. Бир бичикчи кижи суракка керсӱ каруу берерде, Иисус оны мактаган (Мк 12:34). Сен улусты канайып мактаар аргалу?

«ИИСУСТЫҤ ЭТКЕН ИЖИН ЭДИГЕР. ӰРЕДИГЕР!» ДЕГЕН КӦРӰЛМЕНИҤ БАШТАПКЫ БӦЛӰГИН КӦРӰП, БУ СУРАКТАРГА КАРУУ БЕР:

• Карындаш материалды чике айткан да болзо, нениҥ учун бу јаман ӱредӱ болот?

• Нениҥ учун бистеҥ билгирлерди јӱк ле айдып береринеҥ кӧп некелип јат?

КӦРӰЛМЕНИҤ ЭКИНЧИ БӦЛӰГИН КӦРӰП, БУ СУРАКТАРГА КАРУУ БЕР:

• Карындаш сурактарла эпчил тузаланган деп, нениҥ учун айдарга јараар?

• Бу кӧрӱлмеде ӱреткен аргалардыҥ кажызы ла сен јарлаар иште тузаланар эдиҥ?