Иисус «буудайды» — майлаткан христиандарды (майлап баштаганы б. э. 33 јылда башталган) канайып ла качан јууп баштаарын кӧргӱзерге, буудай ла чӧп ӧлӧҥ керегинде укаа сӧс куучындаган.

13:24

«Кижи кыразына јакшы ӱрен ӱрендеген»

• Ӱрендеечи: Иисус Христос.

• Јакшы ӱрен ӱрендегени: Иисустыҥ ӱренчиктерин агару тынла майлаганы

• Кыра: телекей, эмезе кижилик.

13:25

«Улус уйуктап јадарда, оныҥ ӧштӱзи келип, буудайга чӧп ӧлӧҥ колыштыра ӱрендеген»

• Ӧштӱ: Дьявол.

• Улус уйуктап јадарда: элчилердиҥ ӧлӱми.

13:30

«Аш кезер ӧйгӧ јетире... кожо ӧзӱп тургай»

• Буудай: майлаткан христиандар.

• Чӧп ӧлӧҥ: тӧгӱн христиандар.

«Озо баштап чӧп ӧлӧҥди јуугар... [оноҥ] буудайын јууп салыгар»

• Кулдар/аш кезеечилер: ангелдер.

• Чӧп ӧлӧҥди јуунадары: тӧгӱн христиандарды чын христиандардаҥ ылгап јадылар

• Аш салар јердӧӧн јууры: майлаткан христиандарды орныктырылган јуунга јууп јат.

Аш кезер ӧйдиҥ бажында чын ла тӧгӱн христиандарды канайып таныыр арга болгон?

Иисустыҥ бу укаа сӧзиниҥ учурын оҥдоп турганым меге кандый туза берет?