Сен Кудайдыҥ Каандыгын канча кире ӧйгӧ сакып јадыҥ? Јӱрӱмиҥде ас эмес кӱчтер бар болор, оныҥ учун сеге чыдамкай болор керек (Рм 8:25). Кезик христиандар јаман кӧрдӱрет, тӱрмеде отурып јат, кезигин керек дезе ӧлӱмле де коркыдат. Анайда ок јазылбас оорулардаҥ эмезе карып калганынаҥ улам шыралап тургандардыҥ тоозы база ас эмес.

Ченелтелерде сӱӱнчибисти јылыйтпай сакыырга, биске не болужар? Кӱнӱҥ сайын Агару Бичикти кычырып, оны шӱӱп сананып, бӱдӱмјибисти тыҥыдар керек. Ичкери ижемјиге кӧрӧр керек (2Кр 4:16—18; Евр 12:2). Мӱргӱӱлде Иеговала куучындажып, агару тын сурап турар керек (Лк 11:10, 13; Евр 5:7). Сӱӱштӱ Адабыс биске сӱӱнчилӱ артып, «узакка чыдамкай ла турумкай» болорго болужар (Кл 1:11).

«ТАРТЫЖУНЫ „ЧЫДАМКАЙ БОЛУП“ ӦДӦЛИ. КАЙРАЛДЫ АЛАРААР ДЕП АЛАҤЗЫБАГАР» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕР:

• Јӱрӱмисте билбес јанынаҥ не болуп калардаҥ айабас? (Јрл 9:11).

• Кӱч ӧйлӧрдӧ мӱргӱӱл канайып болужат?

• Иеговага алдында чылап, кӧпти эдип болбой турган болзоос, нениҥ учун ајаруны эдип ийгедий керектерге эдер керек?

• Кайралды аларыҥ деп алаҥзыбаска, сеге не болужар?