БУ НЕНИҤ УЧУН КЕРЕКТӰ: Иегованыҥ јарадузын аларга, Агару Бичикти ӱренип тургандар јӱрӱмин Кудайга учурлап, чӧҥӱрилер учурлу (1Пт 3:21). Бойыныҥ учурланганы аайынча јӱрген улус кӧгӱс коруда болот (Ср 91:1, 2). Христиан кижи бойыныҥ јӱрӱмин кандый да кижиге, ишке эмезе организацияга эмес, је Иеговага учурлайт. Оныҥ учун Агару Бичикти ӱренип тургандарга Кудайга сӱӱжин ле быйанзагын ӧскӱрер керек (Рм 14:7, 8).

МЫНЫ КАНАЙЫП ЭДЕР:

• Ӱредӱниҥ ӧйинде шӱӱжип јаткан материалдаҥ кижи Иегова керегинде јаҥы нени билип алды деп сураар керек. Агару Бичикти кажы ла кӱн кычырары ла Иеговага јаантайын мӱргӱӱри јаан учурлу деп аҥылап туругар (1Фс 5:17; Иак 4:8).

• Агару Бичикти ӱренип турган кижини учурланарына ла чӧҥӱрилерине кӱӱнзедип туругар. Анайда ок кыска амадулар тургузарга болужыгар, темдектезе, туштажуларда јартамалдар берзин ле айылдаштарына ла кожо иштеп турган улуска јарлазын деп. Иегова кемди де Ого иштеерине албадабай јат деп ундыбагар. Јӱрӱмин Кудайга учурлаар ба јок по — кижиниҥ бойыныҥ кӱӱни (Јҥ.т 30:19, 20).

• Агару Бичикти ӱренип турган кижини Кудайды сӱӱндирерге ле чӧҥӱрилерге белетелген некелтелерге јараарга керектӱ солынталар этсин деп кӱӱнзедигер (Ука 27:11). Кезик кылык-јаҥнаҥ ла темигӱлердеҥ айрыларга јеҥил эмес болгонынаҥ улам, кижиге «јебрен кижидеҥ мойноп... јаҥы кижини алынарга» база ӧскӧ болуш керек болордоҥ айабас (Еф 4:22—24). «Библия меняет жизнь» деген бӧлӱктиҥ јӧрмӧлдӧрин оныла кожо шӱӱжип ийигер.

• Иеговага иштеп јӱреринеҥ слер кандый сӱӱнчи алып турганарды куучындап беригер (Ис 48:17, 18).