Иисус толо кемдӱ эмес улус учун бойыныҥ јӱрӱмин берген (Рм 5:8). Ол бистер учун јӱрӱмин берип, сӱӱжин кӧргӱскенин бис алаҥзу јогынаҥ баалайдыс. Је кезикте бистерге Христос јаҥыс ла бис учун божогон эмес, је ӧскӧ дӧ улус учун божогон деп, бойыска эзедип турар керек. Иисуска тӱҥейлежип, толо кемдӱ эмес ака-карындаштарысты ла эје-сыйындарысты канайып сӱӱрис? Озо баштап, угы-тӧзи сенийинеҥ башка најылар табып, куучындажып турган улузыҥныҥ тоозын кӧптӧт (Рм 15:7; 2Кр 6:12, 13). Экинчизинде, ӧскӧ улусты тарындыргадый сӧстӧрдӧҥ лӧ керектердеҥ кыйып тур (Рм 14:13—15). Калганчызында дезе, кем-кем сени ачындырып ийзе, ого ачынбай, јаманын тӱрген ташта (Лк 17:3, 4; 23:34). Бу ӱч уламјыда Иисустаҥ тем алып турзаас, Иегова бистиҥ јууныска алкыжын берер, јуундарыста амыр ла бирлик болор.

«ОҤДОП ТУРГАНЫС БИСТИ ЈАРАШ ЭДЕТ» ДЕГЕН КӦРӰЛМЕНИ КӦРӰП, ТӦМӦНГИ СУРАКТАРГА КАРУУ БЕР:

• Микиниҥ јаҥы јууны озо баштап ого кандый деп билдирген?

• Нениҥ учун јуунга оныҥ кӧрӱми солына берген?

• Канайып Иисустыҥ теми Микиниҥ јуунга кӧрӱмин солыырга болушкан? (Мк 14:38).

• Укаа сӧстӧр 19:11-де сӧстӧр ака-эјелерге чын кӧрӱмдӱ болорго канайып болужат?