Элчи Павел Кудайдыҥ тынына башкартып, Титке бичиген самарада јиит акаларга, ол тоодо Титтиҥ бойына да, «ончозында јакшы керектер» эдеринде тем болзын деп јакарган (Тит 2:6, 7). Павел ол ло самарада Иегованыҥ албатызы «јакшы керектер эдерге јӱткип турган... калык» болуп аруталган деп кӧргӱскен (Тит 2:14). Бу јакшы керектердиҥ тоозына Каандык керегинде јарлаары ла ӱренчиктер белетеери кирет. Сен јиит болзоҥ, ийде кӱчиҥди пионер иштиҥ кандый бир бӱдӱмине берер аргалу ба? (Ук 20:29).

Сен пионер болорго турган болзоҥ, амадууҥга јединерге, бӱдӱрип болгодый план тургузып ал (Лк 14:28—30). Ӧйиҥди толо берер иште бойыҥды акча-манат јанынаҥ канайып јеткилдеериҥ, ӧйиҥниҥ нормазын канайып бӱдӱрериҥ деп шӱӱп сананып, бичип ал. Иегованаҥ болуш сура (Ср 37:5). Планыҥды ада-энеҥле эмезе пионер болуп узак ӧйгӧ иштеген ака-эјеле кожо шӱӱжип кӧр. Оноҥ планныҥ аайынча эт. Кудайга оноҥ кӧп иштеерге албаданып турганыҥды Иегова алаҥзу јоктоҥ алкаар!

«ЈИИТТЕР ИЕГОВАНЫ МАККА КӦДӰРЕТ» ДЕГЕН КӦРӰЛМЕНИ КӦРӰП ИЙЕЛЕ, БУ СУРАКТАРГА КАРУУ БЕРИГЕР:

• Кезик ака-эјелерде пионер болорго турарда, кандый кӱчтер болгон? Олорго не болушкан?

• Ада-энелер балдарына пионер ишти баштаарга канайып болужар аргалу?

• Јарлаар иштиҥ графигин нениҥ учун тургузып алар керек?

• Канайып јуундагы ака-эјелер пионердиҥ кӱӱнин кӧдӱрип, ого болужар аргалу?

• Канайып Иегова пионерлерге алкыжын јетирет?