Ӧйисти Иегованы сӱӱп турган улусла ӧткӱрер керек. Нениҥ учун? Нениҥ учун дезе куучындажып турган улузыс кандый да болзо камаанын биске тӱҥей ле јетирет. Олордоҥ улам бис јакшы эмезе јаман јанындӧӧн солынадыс (Ук 13:20). Анайып Иоас каан, улу абыс Иодай јанында болгон тушта, «Иеговага јарап турганын эткен» (2Лт 24:2). Је Иодай божоп каларда, Иоас јаман салтарын јетирип турган улусла куучындашканынаҥ улам, Иегованы артыргызып салган (2Лт 24:17—19).

Элчи Павел баштапкы христиан јуунды «јаан турала», христиандарды бойын дезе «айак-казанла» тӱҥдештирген. Бис Иегова јаратпай турган кылык-јаҥду улусла јуук куучындашпай турзаас, «кӱндӱлӱ тузаланышка» тузаланатан айак-казан болуп артарыс. Бистиҥ тӧрӧӧндӧристеҥ эмезе ака-эјелеристеҥ кем-кем Иегованыҥ нормаларын бузып турза, бис олорло база ла јуук куучындашпазыс (2Тм 2:20, 21). Оныҥ учун најыларды Иегованы сӱӱп, сени Кудайга кӧп иштезин деп кӱӱнзедип турган улустаҥ бедире.

«ЈАМАН КОЛБУЛАРДЫ ЈЕКТЕЕРГЕ ӰРЕНИГЕР» ДЕГЕН КӦРӰЛМЕНИ КӦРӰП ИЙЕЛЕ, БУ СУРАКТАРГА КАРУУ БЕРИГЕР:

• Канайып та кем де биске јаман салтарын јетирер аргалу?

• Бу ӱч ака-эјеге јаман салтарын јетирип турган улусла јуук куучындашпаска не болушкан?

• Најыларды ойгор талдаарга, биске кандый библиялык принциптер болужар?