Бӱдӱмјилӱ ле керсӱ кул Иеговага башкартып, биске «ӧйинде курсак» берип јат. Бу, Иегова бистиҥ кӧгӱс керексиништеристи јакшы билер деп кӧргӱзет (Мф 24:45). Мыны бис иштеер кӱндеги туштажуларда ла регионныҥ курултайларында кӧрӧдис.

«ӰРЕДӰ УЧУН КАРУУЛУ КОМИТЕТТИҤ ОТЧЕДЫ (2017 ЈЫЛ)» ДЕГЕН КӦРӰЛМЕНИ КӦРӰП ИЙЕЛЕ, БУ СУРАКТАРГА КАРУУ БЕР:

• Ӧйинде болуп турган курултайлар учун озо баштап кемге быйанду болор керек ле нениҥ учун?

• Курултайга белетениш качан башталат?

• Курултайда шӱӱжилетен темалар канайып талдалат?

• Курултайга белетенерине не кирет?

• Галаад Сургалда Агару Бичикти шиҥдееринде тузаланылып турган эп-арга, иштеер кӱндеги туштажулардыҥ программазын белетееринде канайып тузаланылып јат?

• Филиалдардыҥ комитеттери ле бӧлӱктери иштиҥ тетрадын канайып кожо белетеп јат?

Ишчилериниҥ кӧгӱс су-кадыгын кичеерге Иегованыҥ ончо берип турганына сениҥ кӧрӱмиҥ кандый?