БУ НЕНИҤ УЧУН КЕРЕКТӰ Телефонло јарлаары * — сӱӱнчилӱ јарды јетиретен аргалардыҥ база бирӱзи болот (Ап.и 20:24). Бу биске кандый бир шылтактаҥ улам јолугып болбойтон улуска Агару Бичиктеҥ сӱӱнчилӱ јарды куучындап беретен арга болот.

МЫНЫ КАНАЙЫП ЭДЕР

• Белетенип ал. Улусты јилбиркедетен теманы талдап ал. Оноҥ куучыныҥныҥ планын тургузып ал. Оны ла ӧскӧ дӧ керектӱ болгодый јепселдерди, темдектезе электронный эдимиҥди, кӧзиҥниҥ алдына салып ал. Электронный эдимиҥде JW Library приложениени эмезе jw.org сайтты озолондыра ачып ал.

• Бойыҥды јайым тудун. Ачык-јарык куучында. Кӱлӱмзиренип, колдорыҥла кӧргӱзип тур. Бойыҥды ол кижи сени кӧрӱп тургандый эдип тудун. Кереги јок паузалар этпе.

• Келер куучынга теманы куучындажып ал. Кижиге јилбилӱ болзо, келер тушта телефонло кандый теманы шӱӱжип ийерге јараар деп айдып ий. Анайда ок кижиге кандый бир бичикти берип кӧр, оны электронный эмезе тегин почтала аткарарга јараар ол эмезе бойыҥ апарып бер. Кижинеҥ электронный почтала эмезе мессенджерле јӧрмӧлдиҥ эмезе видеоныҥ ссылказын аткарып ийерге сурап кӧр. Эптӱ ӧй боло берзе, кижиге Агару Бичик ӱренер бистиҥ онлайн-курс керегинде куучындап бер (кезик тилдерде јок) эмезе бистиҥ сайтта база ӧскӧ неге-неге ајару эдип ий.