Јарлаар иштиҥ туштажулары, јуунныҥ ӧскӧ дӧ туштажулары чылап, бисти сӱӱрге ле јакшы керектерге кӱӱнзедет (Евр 10:24, 25). Јарлаар иштиҥ туштажузы 5—7 минут ӧдӧт. (Ӧскӧ туштажуныҥ кийнинде оноҥ до кыска болор керек.) Бу ӧйгӧ ака јарчыларды кемле эмезе кемдерле баратанын айдар, участокторды ӱлеп, мӱргӱп ийер. Ака јарлаар ишке эм ле тузаланып ийгедий тема белетеп алар учурлу. Темдектезе, субботто ӧдӱп турган јарлаар иштиҥ туштажузына кӧп ака-эјелер келет, је олордыҥ кӧбизи калганчы катап неделе кайра јарлаган болор. Оныҥ учун эҥ јакшы арга — куучынды канайып баштаарын шӱӱжип ийери. Бу туштажуларда база нени шӱӱжерге јараар?

• «Бистиҥ христиан јӱрӱмис ле ижибис» деген иштиҥ тетрадиндеги куучындардыҥ планын.

• Бу јуукта болгон учуралдарды эмезе солундарды тузаланып, куучынды канайып баштаарын.

• Слердиҥ јерде таркадылган јӧпсинишпести канайып ӧдӧрин.

• Кудайга бӱтпей турган кижиле, эволюцияга бӱдӱп турган кижиле, ӧскӧ тилдӱ эмезе ӧскӧ кудай јаҥду кижиле канайып куучындажарын.

• jw.org сайттыҥ, JW Library приложениениҥ эмезе Агару Бичиктиҥ башка-башка аргаларын јарлаар иште канайып тузаланарын.

• Јарлаар иштиҥ јепселдериле канайып тузаланарын.

• Башка-башка эп-аргаларла јарлаарга ӱренерин: темдектезе, канайып телефон согор, самара бичиир, стендле јарлаар, такып барар эмезе библиялык ӱредӱлер ӧткӱрер.

• Јарлаар иште канайып ајарыҥкай болорын, јакшы кӱӱн-санаалу артарын, эпчил, јалакай болорын эмезе о. ӧ.

• «Кычыратан ла ӱредетен темигӱлериҥди тыҥыт» деген брошюраныҥ урогын эмезе видеозын.

• Кожо јарлаган јарчыга канайып јакшы болушчы болорын.

• Јарлаар ишле колбулу библиялык ӱлгер, эмезе јилбилӱ учурал.