Биледе сӱӱш болзо, тыҥ јапшырып койгон клейдий биле бек болор. Сӱӱш билениҥ улузына бой-бойлорына болужып, бирлик болорына јӧмӧжӧт. Ӧбӧӧндӧри, ӱйлери, анайда ок ада-энелер биледе сӱӱшти канайып кӧргӱзер аргалу?

Ӧбӧӧни ӱйин сӱӱп турган болзо, сезимдерин, кӧрӱмин, кӱӱн-санаазын ајаруга алып јат (Еф 5:28, 29). Ол билезин акча-јӧӧжӧлӧ јеткилдейт. Биледе кажы ла кижи кӧгӱс јанынаҥ бек болзын деп албаданат. Анайып болужарга, темдектезе, билелик бажырыш ӧткӱрет (1Тм 5:8). Ӱйи ӧбӧӧнин сӱӱп турган болзо, оныҥ бойын ла баш болор јаҥын тооп јат (Еф 5:22, 33; 1Пт 3:1—6). Эмеен ӧбӧӧн бой-бойлорыныҥ јаманын таштаарга ӱренер учурлу (Еф 4:32). Балдарын сӱӱп турган ада-энелер кажызына ла ајару эдип, олорды Иегованы сӱӱзин деп ӱредип јат (Јҥ.т 6:6, 7; Еф 6:4). Ада-энелер школдо балдарыныҥ керектери кандый деп, анайда ок анда базыныш болбойт по деп сурап угар керек. Ӧбӧӧни, ӱйи, балдары бой-бойлорын тыҥ сӱӱп турза, олордыҥ кажызы ла ырысту болор.

«БИЛЕГИСТЕ СӰӰШТӰ БОЛОДЫС» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Ӧбӧӧни ӱйин сӱӱп турза, оны канайып «азырайт, кичеейт»?

• Ӱйи ӧбӧӧнин сӱӱп турза, оны канайып тооп јат?

• Ада-энелер балдарын сӱӱп турза, олорго Иегованы ла Агару Бичикти сӱӱзин деп канайып болужат?