Бис кӧдӱриҥилӱ, јилбилӱ эдип куучындазаас, улус угарга јилбиркей берет. Анайда ок олорго нени куучындап турганысты оҥдоорго јарт болот. Бис кайда да ӧскӧн болзоос, кандый да культурада чыдаган болзоос, мынайып кӧдӱриҥилӱ куучындап ийер аргалу (Рм 12:11). Мыны канайып эдер керек?

Баштапкызында, нени айдарга турганыҥ керегинде јазап сананып ий. Ундыба: Иегова сеге сӱӱнчилӱ јарды айтсын деп јакылта берген! (Рм 10:15). Экинчизинде, сениҥ айтканыҥ улуска кандый туза берерин сананып ий. Сениҥ айткан сӧстӧриҥнеҥ ол улустыҥ јӱрӱми камаанду! (Рм 10:13, 14). Ӱчинчизинде дезе, сениҥ куучыныҥ акту јӱректеҥ ле кӧдӱриҥилӱ болзын.

«ӰРЕНЧИКТЕР БЕЛЕТЕЕРИ СӰӰНЧИ ЭКЕЛЕТ. ТЕМИГӰЛЕРЕЕРДИ ТЫҤЫДЫГАР: КӦДӰРИҤИЛӰ ӰРЕДИГЕР» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Нениҥ учун Нитага Джейдле ӱренерге сӱӱнчилӱ эмес боло берген?

• Нитага ойто кӧдӱриҥилӱ кӱӱндӱ болорго не болушкан?

• Нениҥ учун улустыҥ јакшы кылык-јаҥына ајару эдер керек?

• Бистиҥ кӧдӱриҥилӱ болгоныс улуска ла ӱренип турган кижиге кандый туза берер аргалу?