Улуска такып барып, эмезе олорло Агару Бичикти ӱренип турзаас, биске олорго тӧс шӱӱлтелерди оҥдоорго болужар керек. Бу јанынаҥ биске кижиниҥ сезимдерине тийип, ӧткӱрип јаткан материалды јакшы оҥдоорго болушкадый темдер болужат.

Белетенип јаткан тушта темдердиҥ болужыла аҥылап ийетен тӧс шӱӱлтелерди таап ал. Мыныҥ кийнинеҥ јӱрӱмнеҥ алынган кӱч эмес темдер белетеп ал (Мф 5:14—16; Мк 2:21; Лк 14:7—11). Је бу ла ок ӧйдӧ кижиниҥ культуразын, кандый айалгада чыдаганын ла нени эдип турганын ајаруга алып тур (Лк 5:2—11; Ин 4:7—15). Кижиниҥ Агару Бичиктеги шӱӱлтени оҥдоп ийеле сӱӱнип турганын кӧрӱп турзаҥ, бойыҥ да сӱӱнериҥ!

«ӰРЕНЧИКТЕР БЕЛЕТЕЕРИ СӰӰНЧИ ЭКЕЛЕТ. ТЕМИГӰЛЕРЕЕРДИ ТЫҤЫДЫГАР: ТЕМДЕРЛЕ ӰРЕДИГЕР» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Нениҥ учун ӱренип турган улуска библиялык ӱлгерлерди оҥдоорго јаантайын јеҥил болбой турган?

• Римдегилерге 5:12 јартаарга Нита кандый тем тузаланган?

• Јакшы келижип турган тем кижиге канайып болужар?

• Иегованыҥ организациязы берип турган видеолор ло ӧскӧ дӧ јепселдерле нениҥ учун тузаланып турар керек?