Бис толо кемдӱ эмес болгоныстаҥ улам, бойысты јаантайын колго тудар керек. Бойыстыҥ кӱӱниске јай берзеес, Иегованыҥ јарадузын јылыйтып салардаҥ айабазыс. Темдектезе, кезик улуста тату этире ажанып ийетен, јараш этире кийинип ийетен ле бай турада јадатан кӱӱн Кудайды сӱӱрге јер артыргыспай јат. Кезиктери бойыныҥ балыр кӱӱнине салдырып, Кудайдыҥ нормаларын бузып јат (Рм 1:26, 27). Анайда ок улустаҥ башкаланбаска ла олорго јараарга болуп, олордыҥ сӧзине кире берип тургандар база бар (Чг 23:2).

Бойыныҥ кӱӱнин колго тударга, канайып ӱренип алар? Санаабысты кӧгӱс јанындӧӧн ууландырарга, бастыра ийде-кӱчисле албаданар керек (Мф 4:4). Анайда ок бойыстыҥ кӱӱнисти колго тудуп турарга, Иеговага мӱргӱп, јайнап туруп болуш сураар керек. Биске не керектӱ ле, не јакшы болорын Кудай бистеҥ артык билер ине (Ср 145:16).

«НЕ ПРОКУРИ СВОЮ ЖИЗНЬ!» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Улус нениҥ учун таҥкы тартып јат?

• Таҥкы тартары сениҥ су-кадыгыҥга кандый каршузын јетирер?

• Нениҥ учун тегин таҥкы ла электронный таҥкы тартканы јеткерлӱ болуп јат? (2Кр 7:1).

• Таҥкы тартып баштабаска не болужар, эмезе таҥкылап турган болзоҥ оноҥ айрыларга не болужар?