Ӱренип турган кижиге Кудайдыҥ најызы болорго, бӱдӱмјизин сӱреен тыҥ эдип алар керек (Евр 11:6). «Јажын-чакка ырысту јӱригер!» деген бичик бу амадуга једерге болужар. Анда Агару Бичиктиҥ тӧс ӱлгерлери, эптӱ тургузылган шӱӱлтелер, јакшы белетелген сурактар, кӱӱнзедип турар видеолор ло ӧҥдӱ јуруктар бар. Бис ӱренип турган кижиге Кудайла најылажып, христиан кылык-јаҥ ӧскӱрип аларга болужып турганысты, отко кӱйбес материалдарла туткан деп тӱҥейлеерге јараар (1Кр 3:12—15).

Кезик улус кӧрӱнбей турган Кудайла канайып најылажатан деп кайкажат. Оныҥ учун олорго Иегованы билип аларга ла ого иженерге болужар керек.

«„ЈАЖЫН-ЧАККА ЫРЫСТУ ЈӰРИГЕР!“ ДЕП БИЧИКЛЕ КИЖИНИҤ ИЕГОВАГА БӰДӰМЈИЗИН ТЫҤЫДЫГАР» ДЕГЕН ВИДЕОНЫ КӦРӰП, КАРУУ БЕР:

• Сыйын ӱредӱге јакшы белетенген деп, недеҥ кӧрӱнет?

• Јакшы этире сананып белетеген кожылта сурактардыҥ болужыла, ол ӱренип турган кижиниҥ ајарузын Исайяныҥ 41:10, 13 шӱӱлтеге канайып эткен ле бойыныҥ сезимдериле ӱлешсин деп, канайып кӱӱнзеткен?

• Ӱренип турган кижиге видео ло библиялык ӱлгерлер канайып камаанын јетирди?

Кӧп улус толынты керегинде теманы аайлабай јат, эмезе толынты — ол, Кудайдыҥ кажы ла кижиге берген аҥылу сыйы деп, сананбай јат (Гл 2:20). Оныҥ учун бистер улуска Христостыҥ толынты тайылгазына бӱде берзин деп, болужар керек.

«„ЈАЖЫН-ЧАККА ЫРЫСТУ ЈӰРИГЕР!“ ДЕП БИЧИКЛЕ КИЖИНИҤ ИИСУСКА БӰДӰМЈИЗИН ТЫҤЫДЫГАР» ДЕГЕН ВИДЕОНЫ КӦРӰП, КАРУУ БЕР:

• Ака ӱредӱге јакшы белетенген деп, недеҥ кӧрӱнет?

• Ол «Шиҥдейтен материал» деген рамканы ӱренип турган кижиле канайып шӱӱшти?

• Нениҥ учун ӱренип турган кижиге кӧгӱс јанынаҥ ӧзӧргӧ, мӱргӱп турары јаан учурлу болот?