Агару Бичиктиҥ аудиозы неле јилбилӱ? «Јаҥы телекей» деп кӧчӱрмениҥ аудиозы араайынаҥ кӧп тилдерге чыгып јат. Бир аҥылу немези — ол кажы ла библиялык персонажта бойыныҥ ӱни бар. Агару Бичиктеги јарды јарт эдип айдарга, кычырып турган улус чын логический согулталу ла керектӱ сезимдерлӱ кычырат.

Агару Бичиктиҥ аудиозын укканы кандый туза берет? Кӧп улустыҥ айтканыла болзо, аудиозын јаантайын укканы Кудайдыҥ Сӧзин олорго тирӱ эдет. Кажы ла персонажта бойыныҥ ӱни бар болордо, библиялык учуралдар кӧскӧ јарт јуралат ла олорды оҥдоорго јеҥил болот (Ук 4:5). Ас эмес ака-эјелердиҥ ајарганыла болзо, Агару Бичиктиҥ аудиозын укканы амыр эмес ӧйлӧрдӧ токунаарга болужат (Ср 94:19).

Кудайдыҥ Сӧзин угуп турзаас, ол бистиҥ јӱрӱмиске сӱреен јаан камаанын јетирет (2Лт 34:19—21). Агару Бичиктиҥ аудиозы бӱдӱнге эмезе кандый бир бӧлӱги слердиҥ оҥдоп турган тилге бар болзо, слер олорды јаантайын угадар ба?

«ЗВУКОВАЯ ЗАПИСЬ БИБЛИИ» (ӰЗӰГИ) ДЕГЕН ВИДЕОНЫ КӦРӰП, КАРУУ БЕР:

Агару Бичиктиҥ аудиозы канайып эдилип турганы сени незиле кайкатты?