Иисус, кубулып турган тужында, теҥеридеги Адазыныҥ оморкодулу сӧстӧрин угала, нени сескенин сананып ийзеҥ де! Бу Иисусты келер ченелтелерге белетегенинде алаҥзу јок. Кӧрӱлте анайда ла ок Петр, Иаков ло Иоанныҥ санаазында тереҥ артып калган. Олордо эмди бир де алаҥзу јок: Иисус чыннаҥ ла Мессия, оны ээчий барып, олор јастырбаган. 30 јыл ӧдӧ берген де болзо, «јарлыктап айткан сӧскӧ» бӱткенин тыҥыткан бу кӧрӱлтени Петр ундыбаган (2Пт 1:16—19).
Бис санааны томултар бу кӧрӱлтени кӧрбӧгӧнис эмей, је бис оныҥ бӱдӱп турганын кӧрӧр аргалу. Иисус эм тургуза «јеҥӱчил чилеп, јеҥерге чыккан» улу Каан болуп јат (Ач 6:2). Удабастаҥ ла ол чындык јаҥы телекейди тургузып салар.
Агару Бичиктиҥ судурларыныҥ бӱдӱп турганы сениҥ бӱткениҥди канайып тыҥыдат?
