Моисейдиҥ јасагы аайынча, ӱйиле айрылыжарга турган кижи юридический документ белетеер учурлу болгон. Мындый некелте меҥдеп айрылышпазын деген амадулу эдип тургузылган. Је Иисустыҥ ӧйинде кудай јаҥдардыҥ башкараачылары айрылыжатан арганы јеҥилтип салгандар. Ӧбӧӧндӧри ӱйлериле кандый ла шылтактаҥ улам айрылыжар аргалу болгон (Мк 10:4, 11-ди — шиҥдейтен материал, nwtsty-U). Иисус фарисейлерле куучындажып турала, алыжатан јӧптӧжӱни јасак эдип, Иегова бойы тургузып салган деп айткан (Мк 10:2—12). Кудайдыҥ амадузыла болзо, алыжары — ол ӱйи ле ӧбӧӧни бастыра јӱрӱмине «бир эт-кан» болотон јӧптӧжӱ. Бого тӱҥей Матфей 19:9 ӱлгерле болзо, Агару Бичик аайынча айрылыжатан сок јаҥыс арга — ол балыр кылык эмезе јӧй јӱрӱм.

Бӱгӱн кӧп улус алыжарын Иисус чылап эмес, фарисейлер чилеп, учурлу неме эмес деп кӧрӧт. Уур-кӱчтердиҥ аайына чыгатан јеҥил арга — ол айрылыжары деп, олор сананат. Је христиан билелерде эш-нӧкӧрлӧр берген сӧзине туруп, Агару Бичиктиҥ јӧптӧрин тузаланып, кӱчтерди ӧдӧргӧ албадангылайт. «Бек биле сӱӱшке ле тоомјыга тӧзӧлӧнип тудулат» (Крепкая семья строится на любви и уважении) деген кӧрӱлмени кӧрӱп, алдында берилген сурактарга каруу бер:

• Укаа сӧстӧр 15:1 јӧпти биледе канайып тузаланарга јараар ла бу нениҥ учун учурлу?

• Укаа сӧстӧр 19:11 бичилген јӧп кӱчтерди кыйарга канайып болужар?

• Слердиҥ ортогордо колбулараардыҥ аайына чыгар арга јок боло берген болзо, айрылыжардыҥ ордына, кандый суракты шӱӱп сананар керек?

• Матфей 7:12 принцип слерге канайып јакшы ӱйи эмезе ӧбӧӧни болорго болужар?