Сеге «Јажын-чакка ырысту јӱригер!» деген бичикле ӱредӱ ӧткӱрерге јарап јат па? Видеолорды, кӧрӱм-санаазын билерге белетелген сурактарды ла «Кезик улус айдат», «Амаду тургузыгар» ла «Шиҥдейтен материал» деген рамкаларды шӱӱжерге јарап јат па? Сеге ӱренчиктер белетеерге бу бичиктиҥ база кандый аҥылу јандары болужар? (Мф 28:19, 20)

Уроктордыҥ материалдары. Сен кепке базылган бичикле тузаланып турган болзоҥ, бастыра видеолорды ла уроктордыҥ материалдарын канайып табарыҥ? Электронный версияны ачып, тӧрт бӧлӱктиҥ бирӱзин талдап, учында уроктордыҥ материалдарын талдап ал. (1-кы јурукты кӧр.)

«Изображение» деген функция. Сен ӱредӱни бичиктиҥ электронный бӱдӱмиле ӧткӱрип турган болзоҥ, «Изображение» деген функцияны кӧптӧдӧ тузаланарга кӱӱнзеер болорыҥ. Тексттиҥ тургузылган аайы бастыра материалдыҥ кажы ла пунктты уроктыҥ темазыла канайып колбулу болгонын оҥдоорго болужар. Бу функцияны табарга, керектӱ урокты ачып, экранныҥ ӱстинде оҥ јанындагы ӱч точканы јапазып, «Изображение» деген сӧсти талдап ал. Цифровой форматка кайра кӧчӧргӧ, ойто ло ӱч точкага јапазып, «Текст» деген сӧсти талдап ал (эмезе алдындагы тегерик фиолет ӧҥдӱ значокко јапазып ий).

«Мен белен бе?». Тӧртинчи бӧлӱктиҥ учында, эки рамкада јуунла кожо јарлаарга ла сууга чӧҥӱрилерге кӱӱнзеп тургандарга керектӱ тӧс некелтелер бар. (2-чи јурукты кӧрӱгер.)

Кожулталар. Кожулталарда керектӱ сурактарды јартап турган шиҥдейтен материалдар база бар. Электронный бӱдӱминде кажы ла кожултаныҥ учында ссылка бар, бу ссылка сени уроктыҥ токтогон јерине кайра экелер. (2-чи јурукты кӧрӱгер.)