Спортчы кижи уйадап калбаска, јаантайын тазыктырынып турар учурлу. Анайып ла биске јакшыны јаманнаҥ ылгап турарга, бойыстыҥ санаасты јаантайын тазыктырып турар керек (Евр 5:14). Ӧскӧ улустыҥ санаазыла эдерге јеҥил де болзо, је кандый бир тӱп-шӱӱлте эдерге сеге бойыҥга шӱӱп сананар керек. Нениҥ учун? Нениҥ учун дезе кажы ла тӱп-шӱӱлтелерис учун Кудайдыҥ алдына каруузына турарыс (Рм 14:12).

Сууга чӧҥӱрилгенис удап та калган болзо, бис јаантайын чын тӱп-шӱӱлтелер эдерис деп сананбас керек. Је биске чын тӱп-шӱӱлтелер эдерге, Иеговага ла оныҥ Сӧзине, анайда ок организациязына бӱткӱлинче иженер керек (ИсН 1:7, 8; Ук 3:5, 6; Мф 24:45).

«ИМЕЙТЕ ЧИСТУЮ СОВЕСТЬ» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Эммага кандый тӱп-шӱӱлте эдер керек болгон?

• Бойыныҥ уйадыла башкарынатан сурактарда нениҥ учун кижиге бойыҥныҥ санааҥды айтпаза јакшы болор?

• Бир биле Эммага кандый ойгор јӧп берген?

• Эмма бойыныҥ айалгазына јарагадый тузалу јетирӱни кайдаҥ таап алды?