Иисуска сӱӱнчилӱ јарды самар ӱй кижиге куучындаарга не болушкан? Ол оныла куучынды тууразынаҥ баштаган. Канайып таныш эмес улусла јайым куучындажарга ӱренип аларга јараар?

• Улусла најылажар кӱӱндӱ болуп, куучындажарга уйалба. Иисус аарып-чылап та каларда, самар ӱй кижинеҥ суу сурап, куучынды баштады. Сен кижиге кӱлӱмзиренип ийеле, куучынды кӱнниҥ аайынаҥ эмезе солундардаҥ баштаар аргалу. Ундыба, сениҥ амадууҥ — куучынды баштаары. Оныҥ учун ол кижиге, сениҥ санааҥла кандый тема јилбилӱ ошкош, ол керегинде куучындажып кӧр. Кижи куучындашпай турза, санааркаар неме јок. Ӧскӧ кижиле куучындажып кӧр. Јалтанбас болорго Иегованаҥ болуш сура (Не 2:4; Ап.и 4:29).

• Куучындажып јада, јакшылыкту јарды куучындап беретен арга бедире. Је меҥдебе. Куучын бойыныҥ аайыла барзын. Теманы кенете солып ийзеҥ, кижи алаҥзый бергенинеҥ улам, куучын ӱзӱле берердеҥ айабас. Чындыкты айткалагыҥда куучын тӱгене берди деп кунукпа. Сӱӱнчилӱ јарды айдар деген санаадаҥ коркып турган болзоҥ, тегинеле, јарлайтан амаду јокко, куучындажып кӧр. [1-кы кӧрӱлмени кӧргӱзеле, шӱӱжип ий.]

• Куучынды кӧгӱс јанындӧӧн ууландырып кӧр. Темдектезе, Агару Бичикте кандый-бир бойыҥа јарап турган шӱӱлтени куучындажып јаткан кижи угуп, оноҥ ары јилбиркеп кӱӱнзей берзин деп, куучындап бер. Иисус самар ӱй кижини јилбиркедип ийерде, ол оноҥ бойы сурактар сурап баштаган. Учы-тӱбинде оныҥ сурактарына каруу берип тура, ол ого сӱунчилӱ јарды куучындап берди. [2-чи кӧрӱлмени кӧргӱзип ийеле, шӱӱшкен кийнинде, 3-чи кӧрӱлмеле анайып ла ок эт.]