Агару Бичикти ӱренери керегинде бисте тӧрт видео бар, олорды бис јарлаар иште тузаланар аргалу. Бу видеолордыҥ амадузы кандый?

• «Агару Бичикти нениҥ учун ӱренер керек?» (узун версиязы). Бу видео кандый ла кудай јаҥду кижини Агару Бичикле јилбиркедерге чыгарылган. Анайда ок јӱрӱмниҥ эҥ учурлу сурактарыныҥ карууларын Агару Бичиктеҥ бедиреерге кӱӱнзедет. Ондо мындый сурактарга Агару Бичик канайып каруу берип турганыныҥ теми бар. Видеодо Агару Бичикти ӱренерин канайып сураары јарталат.

• «Агару Бичикти нениҥ учун ӱренер керек?» (кыска версиязы). Бу видео байагы видеого тӱҥей, је ӱч катапка кыска. Мыны улус меҥдеп турган јерлерде тузаланарга јараар.

• «Агару Бичикти ӱренери канайып ӧдӧт?». Бу видео улусты бистиҥ акча тӧлӧбӧй ӱренетен библиялык курсла јилбиркедип ийерге белетелген ле бу курс керегинде кӧп саба сурактардыҥ карууларын берет. Видеодо Агару Бичикти ӱренерин канайып сураары јарталат.

• «Агару Бичикти ӱренер курска уткып турубыс!». Бу сӱреен јакшы видеоны Агару Бичикти ӱренип турган кижиге кӧргӱзерге јараар. Бу видео керегинде «Јажын-чакка ырысту јӱригер!» деген бичиктиҥ экинчи бӱгинде айдылып та турган болзо, оны «Јажын-чакка ырысту јӱригер!» деген брошюраны ӱренип јаткан тушта кӧргӱзерге база јараар. Видео библиялык курста нени ӱренери ле канайып ӱренери керегинде куучындайт.

Бу видеолордыҥ кажызында ла бойыныҥ амадузы бар да болзо, олорды керек ле болзо, улуска кӧргӱзерге эмезе аткарарга јараар. Биске ончобыска бу видеолорды јазап кӧрӱп алала, олорды јарлаар иште кӧптӧдӧ тузаланар керек.