ХРИСТИАН ЈӰРӰМ
Толынты тирилишке ижемји берет
Кайраканныҥ Эҥири — тайылганаҥ улам болотон алкыштар керегинде шӱӱп сананарга јарагадый ӧй. Бу алкыштардыҥ бирӱзи — тирилиш. Иегованыҥ амадаганыла болзо, улус божобос учурлу болгон. Оныҥ учун јуук кижиниҥ божогонынаҥ улам тыҥ кунукканы — эҥ јаман сезимдердиҥ бирӱзи (1Кр 15:26). Иисус Лазарьдыҥ божогонына ыйлажып турган Бойыныҥ ӱренчиктерин кӧрӧлӧ, ичи ачып, санааркай берди (Ин 11:33—35). Иисус Бойыныҥ Адазына толо кеминде тӱҥейлежип јат. Оныҥ учун божоп калган улузысты јоктоп, бистиҥ кородоп турганыс Иеговага база ачу экелет деп, алаҥзыбас аргалу (Ин 14:7). Иегова Бойыныҥ божоп калган ишчилерин тиргизер ӧйди энчикпей сакып јат. Бис бу ӧйди база тыҥ сакып јадыс (Иов 14:14, 15).
Тирилиш канайып болор? Иегова тирилиш керегинде кажы ла оок-теек јетирӱлерди чокумдап ачпаган. Је Иегова — аайы јоктыҥ Кудайы эмес болордо, тирилиш аайлу-башту ӧдӧр деп, тӱп-шӱӱлтеге келерге јараар (1Кр 14:33, 40). Сӧӧк јуурыныҥ ордына тирилгендерди уткыырыс. Сен анчада ла јуугыҥды јоктоп турган ӧйдӧ, тирилиш керегинде шӱӱп-сананадыҥ ба? (2Кр 4:17, 18). Сен Иеговага толынты тайылга учун ла божоп калган улус тирилер деп Бичимелдеги чындык учун быйаныҥды айдадыҥ ба? (Кл 3:15).
-
Најыларыҥнаҥ ла тӧрӧӧндӧриҥнеҥ анчада ла кемди ойто кӧрӧр кӱӱниҥ бар?
-
Агару Бичикте бичилген улустыҥ анчада ла кемизиле таныжып, куучындажар кӱӱниҥ бар?