ЈАРЛААР ИШТИҤ ТЕМИГӰЛЕРИН ТЫҤЫДАДЫС
Јарлаар иштиҥ темигӱлерин тыҥыдадыс. Брошюрала бойыҥныҥ куучын баштаар аргаҥды канайып белетеер
БУ НЕНИҤ УЧУН КЕРЕКТӰ. Иштиҥ тетрадында бичилген куучын баштаар аргалар бичиктерди канайып таркадатанын кӧргӱзип јат. Је куучын баштаар аргалар кыскарта бичилет, оныҥ учун олорды бойыныҥ сӧстӧриле айдар керек. Сен јарлаар иште ӧскӧ арга тузаланарга турган болорыҥ эмезе, сениҥ кӧрӱмиҥле, слердиҥ јердеги улуска јараар темага ајару эдерге турган болорыҥ. Андый болзо, брошюраны кычырып, куучын баштаар аргаларла таныжып, брошюраларды канайып таркадарга јараары керегинде кӧрӱлмелерди кӧрӱп алганыныҥ кийнинеҥ бойыҥныҥ куучын баштаар аргаҥды белетеп аларга, тӧмӧнги берилген јӧптӧрди тузаланарга јараар.
МЫНЫ КАНАЙЫП ЭДЕР:
«Берилген куучын баштаар аргалардыҥ бирӱзин тузаланарга кӱӱнзейдим бе?» — деп, бойыҥнаҥ сура.
ЭЙЕ
-
Кире сӧс белетеп ал. Кижиле јакшылажып ийеле, кандый амадулу келгениҥди јартап бер. (Темдектезе: «Мен... келдим» — деп айт)
-
Сурактаҥ ӱлгерге канайып кӧчӧри ле ӱлгердеҥ бичикке канайып кӧчӧри керегинде сананып ал. (Темдектезе, ӱлгерди кычырардаҥ озо мынайып айдарга јараар: «Бу сурактыҥ каруузы мында бичилип калган».)
ЈОК
-
Брошюранаҥ сени јилбиркеткен ле слердиҥ јерде улусты јилбиркеткедий теманы талдап ал
-
Кижи санана берзин ле сениле куучындажар кӱӱндӱ болзын деп, кандый сурак сураарын сананып ал. Је сурагыҥ кижини эби јок айалгага тургуспазын. (Темдектезе, брошюралардыҥ 2-чи бӱгинде берилип турган сурактарды тузалан.)
-
Кычыратан ӱлгерди талдап ал. (Агару Бичикти јакшы билбес эмезе кудай јаҥдарды јаратпай турган улуска белетелген брошюраны берип јаткан болзоҥ, ӱлгерди кычырбаска да јараар.)
-
Јӧрмӧлди кычырары кандый туза экелер деп, кижиге бир-эки эрмекле куучындап бер
ОЛ ДО БУ ДА УЧУРАЛДА
-
Такып барган ӧйдӧ каруузын јартажатан сурак белетеп ал
-
Тӧс шӱӱлтелерди ундыбаска, куучын баштаар аргаҥды кыскарта бичип ал
