«Бӱгӱн Иегова Кудайдыҥ табын кемдер бӱдӱрет?» деген брошюра, Агару Бичикти ӱренердеҥ озо эмезе кийнинде шӱӱжип ӱренерге белетелген *. 1—4 уроктоҥ Иегованыҥ Керечилери кандый улус деп, билип аларыгар, 5—14 урокто бистиҥ ижис керегинде бичилет, 15—28 урокто бистиҥ организация керегинде айдылат. Урокторды ээчий-деечий ӱренгени јакшы болор. Је кижи кандый бир урокко јилбиркей берзе, озо оны ӱренерге јараар. Кажы ла урок бир бӱктеҥ турат, оныҥ учун оны 5—10 минутка шӱӱжип ийерге јараар.

• Озо баштап ӱренип турган кижиге суракты кычырып ий, ол сурак уроктыҥ ады болот.

• Урокты, ӱренип турган кижиле кожо, бӱдӱнге эмезе абзацтап кычыр.

• Кычырганаарды шӱӱжигер. Урокко берилген јуруктарды кӧргӱзип, тӧмӧнги берилген сурактарды сура. Берилген Агару Бичиктиҥ ӱлгерлерин кычырып, шӱӱжип ий (кажызын кычырарын бойыҥ талда). Уроктыҥ адында берилген сурактыҥ ла карарта бичилген бӧлӱктердиҥ колбузын кӧргӱзип бер.

• Урокто «Кожулта» деген рамка бар болзо, ӱренип турган кижиле кожо кычырып ий. Берилген јӧптӧрди тузаланарга кӱӱнзет.