БУ НЕНИҤ УЧУН УЧУРЛУ Коринфтегилерге баштапкы самара — ол Павелдиҥ ака-эјелерди оморкодорго бичиген 14 самараларыныҥ бирӱзи. Эмдиги де ӧйдӧ самаралар бичиири — куучындажатан јакшы арга болот. Самара бичизе, кижи сӧстӧрди јазап талдап бичийт, нениҥ учун дезе бичиген кижиде сананатан ӧй болгон; кийнинде самараны канча катап кычырарга јараар. Самаралардыҥ болужыла тӧрӧӧндӧргӧ лӧ таныштарга јарлаарга эптӱ. Анайда ок самаралар јолыгыжып болбой турган улуска да јарлаар арга берет. Темдектезе, чындыкты јакшы уккан, је айлында јолугарга келишпей турган кижиге, эмезе кирип болбос јаан тураларда јадып турган улуска, эмезе ыраак аймактардагы улуска. Самаралар бичип тура, анчада ла таныш эмес улуска бичизеес, нени ундыбас керек?

МЫНЫ КАНАЙЫП ЭДЕР

• Кижиниҥ бойына нени айдар эдиҥ, оны ла бичи. Озо баштап ады-јолыҥды айдып, нениҥ учун самара бичип турганыҥды јартап бер. Мыныҥ кийнинеҥ кижиниҥ санаа-шӱӱлтези аайынча сурак бер. Агару Бичикти акча тӧлӧбӧзинеҥ ӱренери керегинде эмезе ӱренетен кандый бир бичиктиҥ тоолу темазын бичип сал.

• Шӱӱлтелерди уурлатпай, кыска бичи. Кычырып турган кижи чаптыксына бербезин деп, самара узун болбос учурлу.

• Сӧстӧрди чын бичидиҥ бе деп шиҥдеп кӧр. Самара јеҥил кычырылып, ӧткӱре официальный болбос учурлу, карын тоомјылу ла јакшы јанындӧӧн болзын. Самараны почтала аткарып јаткан болзоҥ, маркаларды конвертке јеткилинче јапшырып сал.

• Аксагалдарла јӧптӧжип тур.