Кажы ла кӱн сенде кандый кӱчтер болот? Сен кӧп молјуларлу ла билениҥ бажы болуп јадыҥ ба? Эмезе сен уур-кӱчтердиҥ аайы-бажына јӱк арайдаҥ чыгып, балдарыҥды јаҥыскан чыдадып јадыҥ ба? Эмезе сен школдо ӱренип, балдардыҥ базыныжын чыдажып јӱредиҥ бе? Ол эмезе сениҥ су-кадыгыҥ уйан эмезе јажыҥ јаанай берген бе? Јӱрӱминде кӱчтер болбой турган кижи јок. Кӧп христиандар бир ле ӧйдӧ кӧп ченелтелерге табартат. Је удабас бу ченелтелер тӱгенип калар деп, бис билерис (2Кр 4:16—18).

Је эм тура Иегова бисти токунадып јат: ол бис кандый кӱчтерге табартып турганысты оҥдоп јат, ол бистиҥ ого чындыгысты ла турумкайысты баалап јат, анайда ок ол биске кӧп алкыштар белетеп салганын бис билерис (Иер 29:11, 12). Иисус база бисле јилбиркеп јат. Ол биске христиан молјуларысты бӱдӱрерге болужар деп сӧзин берген. Иисус: «Мен слерле кожо» — деп айткан (Мф 28:20). Бис Кудайдыҥ Каандыгында болотон јайымды шӱӱп сананып турзаас, бистиҥ ижемјибис тыҥып, кандый ла ченелтелерди ӧдӧргӧ белен болодыс (Рм 8:19—21).

«В ТО ВРЕМЯ КАК БЛИЗИТСЯ БУРЯ, ДЕРЖИТЕ ВЗОР НА ИИСУСЕ! БУДУЩИЕ БЛАГОСЛОВЕНИЯ ЦАРСТВА» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Канайып улус Кудайдыҥ берип турган јӱрӱминеҥ ыраап калган ла бу неге экелген?

• Иеговага чындык улусты келер ӧйдӧ не сакып јат?

• Јердеги болотон јараш јӱрӱм недеҥ улам болор?

• Јаҥы телекейде сен кандый алкыштарды анчада ла тыҥ сакып јадыҥ?