Израильтяндардыҥ лагери канайып аайлу-башту башкарылган, анайып ла бӱгӱнги кӱнде Иегованыҥ ишчилери оныҥ табын бӱдӱрерге аайлу-башту башкарылат. Филиалдар, теократиялык аймактар, јуундар, јарлаар иштиҥ бӧлӱктери — бу ончозы Каандык керегинде сӱӱнчилӱ јарды тузалу эдип јарлаарга тургузылган. Бис ончо улуска јарлап јадыс, ол тоодо ӧскӧ дӧ тилге куучындап турган улуска (Ач 14:6, 7).

Улус чындыкты билип алзын деп, сен ӧскӧ тил ӱренер деп сананбадыҥ ба? Тилди јакшы ӱренип аларга сенде ӧй јок то болзо, JW Language приложениениҥ болужыла сен тоолу јеҥил эрмектер ӱренип алар аргалу. Бу эрмектерди јарлаар иште тузаланып кӧр. Ол тушта сен баштапкы чакта бистиҥ ака-эјелер ӧскӧ албатылардыҥ улузына «Кудайдыҥ улу керектерин» олордыҥ тӧрӧл тилине јарлаганынаҥ канайып сӱӱнчи алган, анайып сен де сӱӱнчи аларыҥ (Ап.и 2:7—11).

«ӦСКӦ ОРООННЫҤ УЛУЗЫНА ЈАРЛА» ДЕП МУЛЬТФИЛЬМДИ КӦРӰП, БУ СУРАКТАРГА КАРУУ БЕР:

• Кандый айалгаларда сеге JW Language приложение керектӱ болор аргалу?

• Бу приложениениҥ кезик аҥылу јандарын айдып бер.

• Слердиҥ јердиҥ улузы кандый тилдерге куучындап јат?

• Јарлаар иште сен сӱӱнчилӱ јарла јилбиркей берген, је ӧскӧ тилге куучындап турган кижиге туштаган болзоҥ нени эдер керек? (od-U 100—101 б., 39—41).