Бис нениҥ учун јыл сайын болуп турган регионныҥ курултайларын тыҥ сӱӱп јадыс? Јебрен Израильде јыл сайын ӧткӱрилип турган байрамдар чылап, мындый курултайлар биске Иеговага муҥдар тоолу ака-эјелерле бажыратан сӱреен јакшы арга болот. Бу курултайларда бисти јаантайын арбынду кӧгӱс курсак сакыйт. Анайда ок биске најыларысла, тӧрӧӧн-туугандарысла јолугарга сӱреен тыҥ јарап јат. Оныҥ учун бу кӧгӱс байрамныҥ бир де кӱнин божотпоско кӱӱнзейдис.

Бис курултайларда јуулыжып турзаас, јаҥыс бойысты сананбай, ӧскӧ улуска сӱӱжисти кӧргӱзерге албаданар учурлу (Гл 6:10; Евр 10:24, 25). Ака-эјелериске эжикти ачып турзаас эмезе бойыска керектӱ отуратан јерлерди артыктай тутпай турзаас, «ӧскӧ улустыйын» сананып турганысты кӧргӱзедис (Фп 2:3, 4). Курултайларда јаҥы најылар таап аларга јараар. Бойыска программанаҥ озо эмезе кийнинде ле ажанатан ӧйдӧ јаҥы најыла таныжып алатан амаду тургузарга јараар (2Кр 6:13). Мынайда најылашканы ӱргӱлјиге улалар аргалу! Мындый сӱӱшти кӧрӱп турган Керечи эмес кижиде Иегованыҥ албатызына кожулар кӱӱни келердеҥ айабас (Ин 13:35).

«МЕЖДУНАРОДНЫЕ КОНГРЕССЫ „ЛЮБОВЬ НИКОГДА НЕ ПРОХОДИТ“» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• 2019 јылдыҥ телекейлик курултайларында ака-эјелер делегаттарга бойыныҥ сӱӱжин канайып кӧргӱскен?

• Нениҥ учун Иегованыҥ албатызында сӱӱш ле бирлик болгоны чындаптаҥ кайкал болуп јат?

• Башкару јӧп христиан сӱӱштиҥ кандый јандарына ајару эткен?

• Германиядагы ла Тӱштӱк Кореядагы ака-эјелерди христиан сӱӱш канайып бириктирген?

• Бисте кандый кӱӱн-санаа болор керек?