Нениҥ учун ада-энелерле ачык-јарык болор керек? (Ук 23:26). Нениҥ учун дезе Иегова олорго сени ӱредип кичеейтен јаҥ берген (Ср 127:3, 4). Олордоҥ санааркаштарыҥды ла кӱчтериҥди јажырып турзаҥ, сеге болужарга олорго кӱч болор. Оноҥ ӧскӧ ада-энеҥ сенле бойлорыныҥ ченемелиле ӱлежип болбос. Је кандый бир санааларды бойына тутканы јаман ба? Јок, је качан олордоҥ та нени де јажырарга албаданып турзаҥ — ол јаман (Ук 3:32).

Ада-энеҥле канайып ачык-јарык куучындашсаҥ јакшы болор? Бойыҥа ла олорго эптӱ ӧй таап ал. Келишпей турган болзо, олордыҥ бир бирӱзине самара бичип ийерге јараар. Самарада бойыҥныҥ сезимдериҥди бичип сал. Је адаҥ ла энеҥ сениҥ куучындашпаска турган темаҥ аайынча куучындажарга турган болзо канайдарыҥ? Олор сеге болужар кӱӱндӱ. Сен ада-энеҥле кожо бир команда. Олор сениҥ ӧштӱлериҥ эмес деп ундыба. Ада-энеҥле ачык-јарык болорго албаданганыҥ сеге бастыра јӱрӱмиҥге — ӱргӱлји јӱрӱмиҥге — тузазын берер! (Ук 4:10—12).

«ЖИЗНЬ ПОДРОСТКА. КАК НАЙТИ ОБЩИЙ ЯЗЫК С РОДИТЕЛЯМИ?» ДЕГЕН ВИДЕОНЫ КӦРӰП, КАРУУ БЕР:

• Эстер ле Партик нени оҥдоп ийгендер?

• Иисустаҥ сен неге ӱренип аларыҥ?

• Адаҥ ла энеҥ сени канайып кичееп турган?

• Ада-энеҥле ачык-јарык куучындажарга сеге Агару Бичиктиҥ кандый принциптери болужар?