Јуунныҥ туштажулары — чын бажырыштыҥ аҥылу бӧлӱги (Ср 22:22). Иеговага бажырарга јуулышкан бастыра улуска мындый туштажулар сӱӱнчи ле алкыштар берет (Ср 65:4). Агару Бичикти ӱренип турган улус јуунныҥ туштажуларын божотпой турза, кӧгӱс јанынаҥ кӧп сабазында тӱрген ӧзӧт.

Ӱренип турган улусты мыны эдерге канайып кӱӱнзедер? Туштажуларга јаантайын кычырып тур. «Каандыктыҥ Туразында не болуп турган?» деген видеоны кӧргӱс. Олор кандый туза аларын јартап бер (lff 10 урок). Туштажуда кандый јилбилӱ шӱӱлте угуп алганыҥды куучындап берерге јараар. Эмезе келер туштажуда не болорын кожо кӧрӱп ийерге јараар. Ӱренип турган кижиге керектӱ бичик бер, эмезе JW Library® приложениеде «Встречи» деген вкладканы кӧргӱзип бер. Неле-неле болужып ий. Эмезе кижини туштажуга экелерге јараар. Ӱренип турган кижи туштажуга келзе, сениҥ албаданганыҥ калас болбос (1Кр 14:24, 25).

«АГАРУ БИЧИКТИ ӰРЕНИП ТУРГАНДАРГА ЈУУННЫҤ ТУШТАЖУЛАРЫНА ЈӰРЕРГЕ БОЛУЖЫГАР» ДЕГЕН ВИДЕОНЫ КӦРӰП, КАРУУ БЕР:

• Нита Джейдти јуунныҥ туштажузына канайып кычырган?

• Ӱренип турган кижи туштажуга келзе, бис нениҥ учун сӱӱнедис?

• Джейд христиан туштажуга баштапкы катап келеле нени сескен?