Бис отургызып турган чындыктыҥ ӱрендерин сугарарга кӱӱнзейдис (1Кр 3:6). Оныҥ учун, кижи јилбиркеп турган болзо, такып келген тушта шӱӱжип кӧрӧтӧн ачык сурак артыргызып салза јакшы болор. Ол тушта кижи бисти сакыыр, такып барарга биске јеҥил болор. Такып келеле, бис ачык сурактыҥ каруузын берерге келгенис деп айдарга јараар.

• Айылдар сайын јарлаарына куучын баштаар арганы белетеп тура, такып барарына кандый бир суракты шӱӱжип кӧрӧргӧ белетенип ал. Мындый сурактыҥ каруузы, сен ӱлеп турган бичикте эмезе такып барар ӧйдӧ тузаланарга санангаҥ ӱредӱ ӧткӱрер бичикте болор аргалу.

• Јилбиркеп турган кижиле куучынды божодып, сен такып туштажарга турганыҥды ла белетеп алган сурагыҥды кижинеҥ сурап ук. Арга бар болзо, кижиле канайып колбожотоныныҥ сурузын угуп ал.

• Кандый бир кӱнде ле ӧйдӧ келериҥ деп айткан болзоҥ, сӧзиҥе тур (Мф 5:37).