Израильда ӧргӧӧни тударга, кӧп ийде-кӱч ле акча-јӧӧжӧ керек болгон. Анайып израиль албаты мындый ишке тыҥ јӱткӱп турушкан (1Лт 29:2—9; 2Лт 6:7, 8). Ӧргӧӧни тудуп божоткон кийнинде оны кичеер керек болгон, мындый ишке туружып турганынаҥ израильтандардыҥ ич-кӧгӱзи кандый кеминде болгоны кӧрӱнген (2Кн 22:3—6; 2Лт 28:24; 29:3). Бӱгӱн христиандар Каандыктыҥ ла курултайлардыҥ тураларын тударга, арутаарга ла кичеерге кӧп ӧйин ле ийде-кӱчин бергилейт. Иеговала кожо мынайып иштеери — јаан кӱндӱ, анайда ок ол агару ижибисле колбулу (Ср 127:1; Ач 7:15).

• Кажы ла туштажуныҥ кийнинеҥ Каандыктыҥ Туразын арутап турзас. Отурган јеристи айландыра ару ба деп кӧрӱп ийерге јараар.

• Каандыктыҥ Туразын арутаарында ла кичееринде туружып турзас. Улус канча ла кире кӧп болзо, ончо ло кире иш капшай ла сӱӱнчилӱ ӧдӧр (lv-U 92 б., 18 абз.).

• Акча-манат јанынаҥ болужып турзас. Керек дезе акту кӱӱнинеҥ берилген «эки оок акча да» Иегованы сӱӱндирет (Мк 12:41—44).

• Теократиялык Тураларды тударында ла јазаарында туружып турзас. Мындый ишке туружарга ченемел керек јок.