Кажы ла јыл Иегованыҥ ишчилери Кайраканныҥ Эҥирин энчикпей сакып јадылар. Кайраканныҥ Эҥиринеҥ озо ло кийнинде бисте толынты учун Иегованы мактайтан ла ого быйанысты айдатан аҥылу арга болот (Эф 1:3, 7). Темдектезе, бис улусты бу байрамга кычырарга бастыра кӱчисле албаданадыс. Кезик ака-эјелер бойыныҥ графигин солып, тулаан ла кандык айларда подсобный пионер болуп, 30 ол эмезе 50 саат иштейдилер. Сенде Кайраканныҥ Эҥирин байрамдаар ӧйдӧ кӧптӧдӧ јарлаар кӱӱниҥ бар ба? Эйе болзо, сеге не болужар?

Озодоҥ пландап алзаас, кӧпти эдедис (Ук 21:5). Кайраканныҥ Эҥири тӱрген једип келет, оныҥ учун эмдештеҥ ала план тургузып ал. Канайып кӧптӧдӧ иштеериҥди ле бу амадуга једерге не болужарын озолондыра сананып ал. Оноҥ албаданганыҥды Иегова алказын деп сура (1Ин 5:14, 15).

Кайраканныҥ Эҥирин байрамдаар ӧйдӧ кӧптӧдӧ иштеерге, сен нени эдер аргалу?