Бис бастыра јӱрӱмисле Иегованы сӱӱндирерге кӱӱнзеп јадыс (Ук 27:11). Кезикте биске кандый да тӱп-шӱӱлте эдер керек, је бу айалгага келишкедий јасак јок болот. Андый да болзо, бу айалгага Иегованыҥ кӧзиле кӧрӧр керек. Биске мында не болужар?

Јаантайын Агару Бичикти кычыр. Кажы ла катап Агару Бичикти кычырып јатсаас, бис Иеговала кожо ӧй ӧткӱрип тургандый болот. Иегова албатызына канайып баштанганын, Кудайдыҥ кӧзинде јакшы эмезе јаман эткен улустыҥ јӱрӱмин шӱӱп сананып турзаас, бис Иегованыҥ санаазын билип аладыс. Тӱп-шӱӱлте чыгарар тушта Агару Бичиктеҥ биске керектӱ принциптерди ле билип алганысты эске аларга агару тын болужар (Ин 14:26).

Тереҥ шиҥжӱ ӧткӱр. Тӱп-шӱӱлте чыгарардаҥ озо бойыҥнаҥ сура: «Бу сурак аайынча Иегова нени сананып турганын оҥдоорго, кандый библиялык ӱлгерлер ле куучындар меге болужар аргалу»? Мӱргӱп, Кудайдаҥ болуш сура. Керектӱ библиялык принциптерди табып аларга ла канайып олорды тузаланарын оҥдоорго, бистиҥ организацияныҥ шиҥдеерге белетеген јепселдерди тузалан (Ср 25:4).

«МЫ ДОЛЖНЫ БЕЖАТЬ „СО СТОЙКОСТЬЮ“. ПОЛНОЦЕННО ПИТАЙТЕСЬ» ДЕГЕН ВИДЕОНЫ КӦРӰП, КАРУУ БЕР:

• Видеодогы сыйын кандый кӱчке туштаган?

  Каруугарды бичигер

• Айалгаҥ бого тӱҥей болзо, шиҥдейтен јепселдер сеге канайып болужар аргалу?

  Каруугарды бичигер

• Агару Бичикти кычырарына ла санааркадып турган сурактарды шиҥдеерине ӧй табып турганыс, биске јакшы тӱп-шӱӱлте чыгарарга канайып болужат? (Евр 5:13, 14).

  Каруугарды бичигер