Бу нениҥ учун јаан учурлу? Биске медицинский болуш кенетийин керек боло берердеҥ айабас. Оныҥ учун андый айалгага эмди ле белетенип алар керек. Ол тушта бис эҥ јакшы эп-аргаларла эмденер аргалу болорыс. Анайып сен јӱрӱмди ле Кудайдыҥ кан керегинде јасагын тооп турганыҥды кӧргӱзериҥ (Ап.и 15:28, 29).

Канайып белетенип алар?

• Иеговага мӱргӱп алала, јазап шӱӱп сананган кийнинде, «Волеизъявление и доверенность относительно медицинского вмешательства» (dpa) a деген документти бичип ий. Сууга чӧҥӱрилген јарчылар бу документти бичиктер учун каруулу аканаҥ алар аргалу. 18 јажы јетпеген балдарга ада-энелер «Удостоверение личности» (ic) сурап алар аргалу.

• Бала сакып турган эје-сыйындарга аксагалдардаҥ «Информация для беременных» (S-401) деген бланк сурап алар керек. Бу бланк олорго бала сакып турган ла бала чыгарар ӧйдӧ медицинский сурактар јанынаҥ ойгор тӱп-шӱӱлтелер эдерге болужар.

• Сеге операциянаҥ эмезе ӧскӧ шылтактаҥ улам больницага јатыргызып кан ургадый болзо, бу керегинде аксагалдарга озолондыра айдып ий. Анайда ок больницаныҥ ишчилерине сеге Иегованыҥ Керечилеринеҥ кижи келер деп айдып сал.

Аксагалдар канайып болужар аргалу? Олор сеге «Волеизъявление» деген документти бичиирге болужып ийер аргалу. Је олор сен учун тӱп-шӱӱлте этпес, анайда ок кажы ла кижи бойы талдаар сурактарда бойыныҥ кӧрӱм-санаазын айтпас (Рм 14:12; Гл 6:5). Сеге кан урардаҥ айабас деп аксагалдарга айдып ла ийзеҥ, олор бу керегинде тургуза ла больницаларла колбожор комитетке (КСБ) айдып ийер учурлу.

КСБ канайып болужар аргалу? КСБ-ныҥ акалары кан урары јанынаҥ бистиҥ библиялык кӧрӱмисти врачтарга ла юристтерге канай јартаарына ӱредӱ ӧткӧн. Бу акалар сени эмдеп турган врачла кан урбай эмдейтен аргалар керегинде куучындажып ийер аргалу, керек болзо, кан урбай эмдеерге белен врачты таап берер.

«КАН ТУЗАЛАНЫП ТУРГАН МЕДИЦИНСКИЙ ПРОЦЕДУРАЛАРДЫ ТУЗАЛАНАР БА, ЈОК ПО?» ДЕГЕН ВИДЕОНЫ КӦРӰП, КАРУУ БЕР:

• Бу видео сеге сакыбаган јанынаҥ болотон айалгаларга белетенип аларга канайып болужар?

  Your answer