Бу калганчы кӱндерде бисте ончобыста кӧп кӱчтер болот. Кезикте олорды чыдажып болбозыс деп билдирер болор. Је Иеговала колбуларысты тыҥыдып турзаас, ол биске кандый ла кӱчтерди ӧдӱп чыгарга болужар (Ис 43:2, 4). Бис Иеговала колбуларысты ченелтелердиҥ ӧйинде канайып тыҥыдар аргалу?

Мӱргӱӱл. Иеговага сезимдеристи куучындап турзаас, ол биске эмоциональный ийде-кӱч ле амыр берет (Фп 4:6, 7; 1Фс 5:17).

Туштажулар. Бӱгӱнги кӱнде биске кӧгӱс курсак ла ака-эјелерле куучындажары сӱреен керектӱ. Бу ончо немени Иегова христиан туштажуларда берет (Евр 10:24, 25). Туштажуларга белетенип алала, Каандыктыҥ Туразына келип, шӱӱжеринде туружып турзаас, Иегованыҥ агару тыныныҥ болужын бӱткӱлинче аладыс (Ач 2:29).

Јарлаар иш. Јарлаар иште эрчимдӱ туружып турзаас, бӱгӱнги кӱч ӧйлӧрдӧ јакшыны кӧрӧргӧ јеҥил болот. Анайда ок јарлап турзаас, Иегова ла ака-эјелерисле колбуларысты тыҥыдадыс (1Кр 3:5—10).

«ИЕГОВА ПРИМЕТ ТЕБЯ» ДЕГЕН ВИДЕОНЫ КӦРӰП, КАРУУ БЕР:

• Малуга кӱч ӧйлӧрдӧ Иегованаҥ ырабаска не болушкан?

  Каруугарды бичигер

• Сарын 34:18-теги сӧстӧр Малуга канайып болушкан, олор биске канайып болужар аргалу?

  Каруугарды бичигер

• Малуныҥ учуралы Иегова «артыкташкан кӱч» берип турган деп канайып кӧргӱзет? (2Кр 4:7).

  Каруугарды бичигер