Агару Бичикте Иегова бойыныҥ ишчилерине канайып каруу бергениниҥ кӧп темдери бар. Иегова олордыҥ мӱргӱӱлин угуп ла болужып турганын оҥдоп турза, олордыҥ бӱдӱмјизи алаҥзу јогынаҥ тыҥып туратан. Оныҥ учун бойыстыҥ мӱргӱӱлдерис јарт болзын деп ле Иегованыҥ берген карууларын кӧрӱп турарга албаданактар! Бистиҥ сураганыстаҥ Кудайдыҥ каруузы чек башка болордоҥ айабас, анайда ок ол бистиҥ сураганыстаҥ канча катапка кӧп берер аргалу болгонын ундыбай јӱректер (2Кр 12:7—9; Эф 3:20). Иегова бистиҥ мӱргӱӱлдериске канайып каруу берет? Ол биске:

• кӱчтеристи ӧдӧргӧ эт-каныска, эмоциональный эмезе кӧгӱс јанынаҥ ийде-кӱч берер аргалу (Фп 4:13);

• јакшы тӱп-шӱӱлте эдерге ойгор берер аргалу (Иак 1:5);

• кӱӱн ле ийде-кӱч берер аргалу (Фп 2:13);

• кунугып јӱрзеес, амыр берер аргалу (Фп 4:6, 7);

• улусты биске акча-манатла эмезе эмоциональный јанынаҥ јӧмӧжип ийзин деп кӱӱнзедер аргалу (1Ин 3:17, 18);

• кем учун мӱргӱп турганыс, олорго болужар аргалу (Ап.и 12:5, 11).

«ИЕГОВА — „МӰРГӰӰЛДЕРДИҤ УГААЧЫЗЫ“» ДЕГЕН ВИДЕОНЫ КӦРӰП, КАРУУ БЕР:

• Сениҥ су-кадыгыҥ коомой болзо, Симидзу аканыҥ теми сеге канайып болужар?

• Симидзу аканыҥ теми сени неге ӱретти?