Ийде-кӱчеер керек јок немелерге барбазын деп, кӧгӱс амадулар тургузар керек (1Кр 9:26). Бу телекей удабас ла јоголып калар, оныҥ учун ӧйди эҥ артык эдип тузаланар керек (Эф 5:15, 16). Билелик бажырышта келер иштейтен јылга амадулар не тургузып албас? Бу тетрадьта тузалангадый амадулар шӱӱжилип јат. Билегерле шӱӱжип, мӱргӱӱлерде Иеговала јӧптӧжип ийигер (Иак 1:5).

Темдектезе, слер билегердеҥ бир де кижи текши пионер болзын деп, билениҥ молјуларын келиштирип болороор бо? Је слер норманы бӱдӱрип болбозым деп алаҥзып турган болзоор, слердиҥ айалгаарга тӱҥей айалгалу пионерле куучындажып кӧригер (Ук 15:22). Слер андый пионерди бойыгардыҥ билелик бажырышка кычырып, куучындажып ийер аргалу. Оноҥ слерге келишкедий график тургузыгар. Сен алдында пионер болгон болзоҥ, бу ишти канайып ойто баштаарын сананып кӧр.

Слердиҥ билегердеҥ кем-кем бир эмезе оноҥ до кӧп айларга подсобный пионер болуп иштеп ийер аргалу ба? Сениҥ ийде-кӱчиҥ ас болзо, сен норманы бӱдӱрип ийерге, кажы ла кӱн бир кичинектеҥ иштеер аргалу. Эмезе сен кажы ла кӱн тегин ишке барып турганыҥнаҥ улам, эмезе школдо ӱренип турганыҥнаҥ улам, иштейтен кӱндерде јарлаарга кӱч болзо, каникулдыҥ эмезе отпусктыҥ кӱндерин, эмезе беш выходнойлу айды талдап кӧр. Календариҥде подсобный пионер болотон айыҥды темдектеп сал. График тургузып ал (Ук 21:5).

«ЈАЛТАНБАС БОЛУГАР! ПИОНЕРЛЕР» ДЕГЕН ВИДЕОНЫ КӦРӰП, КАРУУ БЕР:

• Иегова пионердиҥ ижин эдерге нени де карамдабай турган улуска болужып турганы Эмма Оманн эјениҥ теминеҥ канайып кӧрӱнет?