Сыгын айда бис јердиҥ ӱстиндеги ончо уур-кӱчтердиҥ аайы-бажына јӱк ле Кудайдыҥ Каандыгы чыгар деп, улуска куучындаарга тыҥ албаданарыс (Мф 24:14). Бу кампанияда сен канайып туружар аргалу? Кудайдыҥ Каандыгы керегинде кандый бир библиялык ӱлгерди талдап алала, ол ӱлгерле канча ла кире кӧп улус таныжып алзын деп албадан. Баштапкы ла куучында кижи јилбиркей берген болзо, ого 2020 јылдыҥ № 2 «Каруулчы шибеезин» берип кӧр. Оноҥ јаан удатпай ла ол кижиге такып барала, «Јажын-чакка ырысту јӱригер!» деген брошюраныҥ болужыла ӱредӱ башта. Сыгын айда подсобный пионерлер 15 эмезе 30 саатты талдаар аргалу болор.

Удабас ла Кудайдыҥ Каандыгы Кудайга удурлажып турган ончо башкаруларды ӱзе јоголтып салар (Дан 2:44; 1Кр 15:24, 25). Оныҥ учун бу аҥылу кампанияда канча кире аргабыс бар туружактар, анайып бис Иеговага ла оныҥ Каандыгына чындыгысты кӧргӱзерис!